... i a un monde. Dins lo cas qu'i avetz jà calculat, l'auretz pogut constatar. Dins lo cas que sabetz pas per ente començar, vos lo fau saber.
Ges de rasons de panicar per tant. Lo tot es de ben ordenar sas eideias, destriar de las prioritats en jutjar la part de donar a las envejas e a las constrenchas, que solide fau pas dobledar.
Per quò far, vos prepausam de ganhar de las tecnicas per estructurar un desèr e ne'n far 'na realitat.
Voletz balhar public un document escrich mas setz marridament content de sa fòrma redigida. Avetz daus dobtes quant-a coma sirà reçaubut e l'enjòc vos permet pas d'èsser mau-entendut.
Definissèm ensèm lo vòstre public-tarjeta puei dobam au mai pertinent lo vòstre escrich per que los legeires sian de sega en plen dins la vòstra problematica.
Avetz redigit un contengut, aura lo voletz publiar, far veire e coneissèr vòstre eveniment au monde ... Solide vòudretz èsser remercats e non-pas nejats au demest d'autres pariers.
Auretz mestièr de far la differença visualament. Dins un monde de zapping permanent, se nòta prumièr lo bon veire e segondament la pertinença daus prepaus ; malurosament.
Seguram quèu servici en Occitan, Françès, Englès, Catalan e Espanhòu. Desenvelopèrem quitament las tecnicas de presentacion que permetan un afichatge bilingue coerent e de bon entendre.
Organisatz un concèrt, un merchat, 'na conferença ... Avetz 'na eideia de l'ambient, de l'estetica que voletz a l'entorn ... Definissèm ensèm un quasern de las charjas per fin de vos permetre d'aver un visuau de bon identifiar ; declinable dau papieron A6 a l'aficha A1.
Pausatz un dorsièr, presentatz lo catalògui de n'espausicion ò ben avetz besunh d'un desplejant per promòure los vòstres produches. La desmarcha es semblanta per 'na resulta que se desenvelòpa en coerença sus mantunas pajas.
Per que degun pusche passar au costat sens vos mainar !
La vòstra estructura existis, avetz un rasèu de partenaris que vos fan fisança e vos coneissen per vòstre nom. Qu'es temps per i associar un imatge que vos sembla.
En pertir daus vòstres principes fondators, balham vita a quò que vos representarà davant lo public. Logo, papièr d'en testa, charta de visita e 'na basa visuala de bona referença per tota la vòstra comunicacion (publicacion, site internet)
Avetz un site e lhi voletz balhar 'na nuvela charra, ò ben pertissetz dau project redigit sus papièr. Podem calcular ensem la vòstra pareissença sus la tela en tot la dobar a la vòstra estetica chausida.
Vestissatge dau site internet, nuvèla fuelha d'estile, nuvela organisacion en menus. En pertir dau contengut existent. L'imatge mostrat es un boton tot prest per las gents que volen apondre un ligam de vers radio-occitania.com
Comandat per la radio
Logo dau project auberjat dins l'ostal d'Occitània a Tolosa. Declinat sus un panèu A1 pel fons de tribuna e sus daus pejasolèts pel materiau.
Comandat per la fondacion Occitana
Visuau per l'eveniment, aficha A3 + tracts A6 en un originau que se puscha metre a l'eschala. Calculats per estampar a la fotocopia negre e blanc, la color de fons es un bonus per mandar l'imatge per e-mail.
Comandat per la Mission Despartamentala de la Cultura d'Avairon
