Plancardas e Japissons a pas char ! Per què far ?
L'Arsenal militant es un estòc de materiau en linha. Sa tòca es de permetre a tot militant de se farjar sos ustilhs
sens esperar 'na comanda ò ben la 'massada de moneda per 'nar veire un estampaire professionau.
Effeitivament estampar daus japissons còsta char, quò damanda tamben de calcular que sian pas "passat de mòda"
au moment que siran prests. Mantuns còps la rason per ne'n surtir justifija pas d'engatjar daus frais grand que mancaran
en quauqu'un luèc mai.
Podretz trapar 'quí de las planchas de japisson de bon far, cepte. I a mas mestièr :
de'na printaira d'ofici (de color) ;
daus folhetons-pejasolet A4 ;
e de poder legir los .pdf, avetz pas lo legeire Acrobat ? Se pòt trapar dempuei quí.
Estampatz vos un originau sus 'na fuelha blancha puei fasetz tant de fotocòpias que vos fau ;
copatz (a la man ò ben coma un massicò) los japissons per ne'n balhar aus vòstres amics.
Conselhede far de las fotocòpias per 'mor que la tinta de la printaira se rinça a la prumièa pluèia.
Demòra artesanau mas totjorn mens char que si falia lançar 'na seria.
Daus còps la botica de fotocòpias vos prepausaran lor papièr-pejasolet, vos eschiva de ò furnir.
Ieu pretende pas mai que furnir daus originaus que l'estampatge (coma lo pejatge) sera au nivèu individuau.
Amb 'na resolucion bona e pas de problema de caractèri ...
Chaisson
Lemosin
