Un panoramic dau vilatge, fotografiat dempuei lo chamin de vers Barra Banç (de l'Est, podetz veire sus la mapa).
Lo vilatge es gaireben tot de maison de peiras, vos ne mòstre quauqu'unas que prenguei en fòtos.
Per avèr un repére, usei los nom qu'auviguei quora ere pitit, son los de la familha que i 'bitava
dau temps que las gents demoravan (tornavan) au país. Los disèm d'enguerras uei mas las gents chamnhèren.
Permenatz lo raton sus los bastits, clicatz (quora possible!) los veiretz. Mèfi, qu'es pitit.
E per tornar a la mapa ? Basta de tornar sus naut.
Ma Maison
La foguèt bastida per mon rietz-grand-paire, Charles Champeaux, en 1920. Èu era, tant coma beucòp d'autres Lemosins dins quilhs temps, maçon de Lyon. Falià pertir de pè per i far son apreneson e trobar dau trabelh.
Quand ajèt 'gut mes quauques francs-aur de costat, èu bastiguèt sa maison. Las peiras son de 'na charriéra de sus 'naut dau vilatge dins lo massiu granitic d'Aurlhat.
S'en tornèt s'i instalar sus sos vielhs jorns, èu vivia de sas culturas agricòlas.
Mos parents (e ieu quora suei quí) contunhèm de cultivar 'na bèla part de quò que consuman coma verduras, lor pretz es pas de balhar en argent, mas mai en susor e en temps.Faguerèm totjorn 'quò maison e mai que de òu veire coma un privilègi, lo vese coma 'na charja que seria einucent d'abandonar mas per'mor que uei venguèt mai simple de los 'chatar.
Mon paire nasquèt dins quela maison, e qu'es au canton de quela chemeneia qu'aprenguèt a legir coma lo grand paire (lo sèu !).
Uei, mos grands son mòrts e la es pus ocupada, i reste ieu quora tòrne au país. I a de la plaça per los amics !!!
Lo Forniau
Qu'es la maison que s'i installèt ma familha davant de bastir la quèla ente demore ieu aura. I a totjorn lo forn (qu'es per quò que la 'pelam entau ;-) mas sa chemeneia es estada desbastida dau temps que i avià 'na tassa dessus...
chas Bòrda-còu
Uei, qu'es chas mos parents
Que, quora venguèren au vilatge, mos grands eran d'enguerras de quèu monde, s'instalèren au costat.
Qu'ès dins quèla maison que veniam per las vacanças (malurosament pas mai). Me suei, per part, 'levat 'quì
I aviá, a la Taissuniera, tot un fum de cosins de la familha Peiraton, ne'n veiquì quauqes uns
chas l'Armand Peiraton
La maison es aura 'bitada per Madalena Trevisanu (qu'es mai anciana que ieu dins lo vilatge mas contunhèm de dire chatz l'Armand), la mesnatgèt la maison de fàcia.
chas lo Françès Peiraton
Podetz tamben veire la pita maison que la familha i 'bitèt prumièr. Tota pita amb l'etable japit au bastit de demorança, coma sus lo nòstre forniau.
chas lo Robèrt Peiraton
Fin, podetz veire sos etables, qu'es jà quò ...
I a tamben d'autras gents que demòran dins lo vilatge.
chas Labercha
Quì parièr, veiretz mas los etables. Amai, i a tamben un forn.
E puei si de non ai pas tot près en fòto, n'i aura d'autras que vendran aprèp.
Ligams
los trobaretz totjorn rechampats aquí.
De veire a Chaisson
Un gíte pels dròles que mos vesins los i fan permenar a chavau.
De veire a l'entorn de Chaisson
L'ofici dau torisme de Bujalèu, de l'autre costat de Mòlda.
Chaisson
Lemosin
La foguèt bastida per mon rietz-grand-paire, 
Qu'es la maison que s'i installèt ma familha davant de bastir la quèla ente demore ieu aura. I a totjorn lo forn (qu'es per quò que la 'pelam entau ;-) mas sa chemeneia es estada desbastida dau temps que i avià 'na tassa dessus...
Uei, qu'es chas mos parents
La maison es aura 'bitada per Madalena Trevisanu (qu'es mai anciana que ieu dins lo vilatge mas contunhèm de dire chatz l'Armand), la mesnatgèt la maison de fàcia.
Podetz tamben veire la pita maison que la familha i 'bitèt prumièr. Tota pita amb l'etable japit au bastit de demorança, coma sus lo nòstre forniau. 
Fin, podetz veire sos etables, qu'es jà quò ... 
Quì parièr, veiretz mas los etables. Amai, i a tamben un forn.
