1981 : ai 4 ans
Bobby Sands moris a la sega de 'na chauma de la fam, Margarett Thatcher faguèt pas ren en consequéncia.
1986, ai 9 ans :
Malick Oussekine es bastonat truscanta ne'n morir per daus policièrs. (prendran 6 mès, de sursir)
1988, ai 11 ans :
Mandela surtis de preson.(fin finala)
1989, ai 12 ans :
Allèra que sèm gavats de celebraments nacionalistas dau bicentenari de la presa de la Bastille...
lo mur de Berlin es tombat per de las gents daus dos costats ;
La Romania enversa lo guvern estalinian de Ceausescu.
Los estudients chinès ocupan la plaça Tian Anh Men e lo guvern chinès manda los blindats per los tirar.
Dise mas los eveniments que me marquèren ; 12 ans, qu'es a la gròssa lo moment que me suei pensat de militar per far avançar las eideias que vòle defendre e far auvir quò que vòle dire. Dise pas que m'i suei totjorn pres dau bon biais ò amb las bonas personas. Tojorn, me sembla importent d'aver quèla cultura que se pòt tojorn far quauqua-ren per chamnhar las chausas, melhor que de se dire qu'es entau e qu'i podèm pas ren.
Pòde apondre que mon paire es militant, quò joguèt, solide. Mas suei totjorn ieu que chausiguei mon engatjament. La debuta
Dempei lo liçèu ai la costuma de me permenar amb daus chamisons que s'i pòt legir un eslogan,
per anonçar la color, roge mai que mai ;-)
Pensei un temps de montar na seccion sindicala per organisar la representacion tras los elegits de classa,
mas suei pas estat ben segut per quò far.
En 1993 aprenguerèm que se volià far un centre "d'estudis" (d'estocatge !) de rebuts nuclearis
dins lo canton, ma prumièra esperiença de mobilisacion en protesta es 'quèla.
En far tamben virar las peticion dins lo liçèu, e far de "proselitisme" coma quauques profs complicis.
L'Unef
Qu'es en ribar a l'Universitat que me suei mainat de chausir un sindicat estudient,
ma chausida es estada orientada segon las afinitats politicas qu'avia coma las gents que s'i podia trapar.
Entre daus estalinians de na seccion fantòma de l'Unef SE e las gents de l'Unef ID, me suei engatjat dau costat que me desagradava lo mens.
De tant que la pausicion de l'AGE (la seccion locala) de Poitiers era en contra de la quèla dau Bureau National, magerament sus de question d'etica au dediens dau moviment.
Suei estat militant de terrenh per l'AGEP-UNEF ID un brave moment.
De campanhas elegairalas solide, mas tamben na presencia regulara au local, que i passava mai de temps que chatz ieu.
Podei pas jamai gardar na nina mai de dos mès de quèu temps. Per contra suei estat conegut de tot(a)s dins ma fac,
los quites que m'avian jamai crosat parlavan de ieu. La periòda de glòria, sens ren damandar,
si las gents an associats la militança a ma persona, ne'n serai content, si de non m'en fote ! L'Unef a na vertadiera cultura d'organisacion :
Un militant que s'envolza un pauc comença de coneissèr lo vovabulari "daus iniciats"
que sià "-ID" ò ben "-SE", totun dis lo nom Unef, de la de davant 1971,
si qu'es lo nom que pòrta uei l'organisacion tornar unifiada i a degun asart.
Se pren au jòc daus "parachutages" (per nar ajudar a d'autras AGE), qu'es entau que descubriguei Tolosa e Clarmont.
Suei estat representaire sindical, ieu de 1997 a 2001.
Vau pas far quí un bilanç de mandadura, dirai mas qu'ai pas mancat gaire de sesilhas, qu'es rare dins quèu mitan.
E que quora ieu ere quí dublidavan pas de se damandar coma tala ò tala mesura seria presa per los estudients,
question que se pausavan pas gaire tampauc davant, e quò ne'n pòde èsser fièr.
Ligams
los trobaretz totjorn rechampats aquí.
Ecologia politica
Protesta per l'aniversari de Tchernobil, a Blaia,
faguerèm 'na centrala de carton per la brennar a la fin,
coma se coneissia pas ben ò falia escriure ...
Un temps passat a querre ente militar
Suei esta interesat prumièrament per los trotskistas, que me semblavan l'alternativa oblijada aus estalinians,
sens tombar dins la social-democracia. Lèu vese que me pòde pas entendre coma las gents de la LCR e
suei demorat un temps luenh de totas organisacions, manca la Coord contra los rebuts nuclearis que coneguei au licèu.
Me suei dirigit chap aus Verds en 1997, totjorn dins l'eideia de n'alternativa a la social-democracia e a l'estalinisme que son pas ma familha.
Chiche !
Fau la campanha de las Europencas de 1997 coma los Verds e i encontre las gents de Chiche ! Instalèm un embrion de grop local a Poitiers,
mas sèm mas de 'nar junèr los autres grops per far quauqua-ren ensem.
Au moment dau sommèu mondiau sus l'effieche de cubèrt a Den Haag, penserèm de far un brave cortègi per
i nar en velò, podetz veire la mapa dau project sus lo vielh síte.
Nos faguerèm remercar a Milhau en offrir a la Confederacion pagana un Ronald McDonald "kidnapped" en Montpelhièr.
Solide, me suei fotut dejos per ò portar !
Ma centrala de 20 Kg, per i far escupir dau fum falia aver un espinèu dediens
Aprèp
Contunhe un temps de militar a Chiche ! un còp ribat a Tolosa, aprèp l'espetada d'AZF.
Seguei tamben un temps las activitats dau colectiu Plus Jamais Ca-Ni Ici Ni Ailleurs, en nar ocupar la plaça dau Capitòli
jorn e nuech per eisemple.
Ieu demòre estachat au principe de pensar globau-agir locau e practicament suei totjorn prest de metre mos dietz dets
au servici de na causa que jostene, en bastir dau objectes bèus que fau portar de dediens per se far veire ben en protesta,
coma na tor de centrala nucleara, na chemeneia de fabrica chimica, ò ben n'espinèu gigant.
Participei pas a totas las accions que podretz veire sul síte de C! TLS, aura los perdei un pauc de vusda.
Crese que lo modèl dominent capitalista passa dins la joinessa tras la pub en 'na "com-mu-ni-ca-tion" d'esblaugis-fadurla
(tape-à l'oeil), m'interessa de lo contrar per sa bèlas armas, coma 'na militança-espectacle.
Organisacions
Las que m'interessan per quò qu'es de l'ecologia politica
e l'organisacions de jòunes que s'i refera
Lo portal : síte federau
Chaisson
Lemosin
Qu'es en ribar a l'
