Quò es la comuna d'ente ven ma maire, sul "seuil du Poitou". Pas luenh s'i parla Occitan, mas l'accent a Civray permet d'auvir que setz passats "au nord".
Me suei magerament 'levat a Civray, sens jamai i gardar tròp d'estachas, manca la familha dau costat de ma maire, solide.Lo Colégi Camille Claudel 1987-1991
I passei mon BEPC.
Suei estat retengut un dimècres aprèp-marende per 'na connarià qu'avia facha. Quina cresetz que me balhèt la retenguda ?
Ma Maman ! que i trabalhava coma CPE, i trabalha d'enguerras uei.
Lo Licèu André Theuriet 1991-1994
Qu'es 'quí que ieu comence de i encontrar d'amics que duraran.
Per l'eisemple Georges e Jérôme escrivan a quatre mans un libre : Aquilon suei ieu que gardei lo manucscrit.
Aura quò me tòrna pela un temps que decidiguèrem que las nòstras vitas sirian daus romans...
Farjarèm tamben un jornal : "Debout Lycéens !" que s'i aurià pogut lançar de tot sus lo mond crudèl que i demoram. I ajèt mas 3 limeròs, un ensaj !
Fau 'na prumièra S per passar un Bac C en me dire que sirai geomètre, m'agradèt totjorn de dessenhar las mapas.
Me plante belament en pertisse sus un Bac litterari !
Lo moviment contra lo CIP en 1994 es n'eschasença mancada per lançar un sindicat licean,
dempuei 1989 e la chasuda dau mur de Berlin ai l'enveja de militar.
Me suvene que reüssissèm (pel prumièr còp dempuei 1986) a mobilisar dau mond per junhèr los liceans de Poitiers.
Ai mon Bac A 1 en junh de 1994, surtissent de l'ospital !
Fin de terminala sens orientacion vertadiéra, Chausisse l'ostalarià un pauc coma om s'engatja dins la legion : ieu chamnhe de monde en me dire "perqué pas" e veirai !
Far descubrir son país tras la bona bafrèia, qu'es 'na brava besunha, benlèu una de la mai bravas dau mond. "Lycée Technologique Hotellier du Parc de la Francophonie" (!) 1994-1995
M'inscrive en Mise A Niveau per passar lo BTS Hotellerie Restauration.
S'agis de tornar trapar, au pas de correguda, lo programa pro (Cueisina, Serviçi en sala, Gestion) que los Bac Technologique fan en tres ans, en tot gardar lo nivèu en Englès, Maths eca... Los profs de cueisina e serviçi son los que vesèm lo mai suvent e que lor eivis compta lo mai en conselh de classa. Me jutgèren inadaptat, suei lent, quò vòu pas dire que sabe pas trabalhar !
Au LTH PF LR s'i jòga "la carte de l'excellence et de la réussite". Es lo tresenc de França, lo profs consurtan chasca annada los results nacionaus per saber si los liçèus de Strassburg e de Pessac son d'enguerras davant. I a pas d'unifòrme mas s'i dèu permenar vestit "correct", qu'es de dire amb 'na vesta e 'na crabata, jean prohibit !
Vesetz 'quí la façada que fàcia lo campus, la veirina panoramica que fai lo ligam
entre los plans permet de visar lo pòrt de plasença daus Minimes (lo mai grand d'Euròpa).
Au prumièr se trapa la Cafetarià e au segond lo Restaurant d'applicacion (ieu, i serviguei mas un còp).
Son dubèrts au public e lo serviçi vau un 4 estelas, per un pretz plafonat per l'Educacion Nacionala !
Vos conselhe de 'i 'nar, seretz acculhits coma daus Princes
L'internat
Pense qu'aura quilhs aubrissons, que daissavan veire la teulada de mon temps, son venguts pron grands
Ieu descubre tamben l'internat, que i passarai dau moments tarriples. Suei lo sol BTS (assimilat) au mitan d'escolan que son sià en BT, sià en BEP. Lo prumièrs son segur d'èsser dins 'na categoria sobeirana, e los autres son segur d'èsser mai eficaç dins lo trabelh. Entre los dos clans, ieu sirià mai prèmi dau BT, que me dèurian junhèr l'endueinan, e non pas, mon companh de chambra es en BEP e au finau ai mai d'amics en BEP e CAP
Ieu que riebe d'un liçèu generau la testa plena d'imatges de Woodstock ai dau mau mas me fau a la regla dau vestir (pareis que lo pòrte plan) daus còps la convira mas amb d'humor (la crabata de revèrs) ò un chic de classa (un parpalhon en plaça de la crabata).
Per un temps nos damandèren d'aver en permanènça la carta d'escolan (daus còps que quaqu'un d'en defòra sià venguts mascarat !) ieu la pendilhei a mon aurelha, tant coma las vachas, crese que se ne'n suvenen d'enguerras.
Au mieg daus adultes que entenden pas ren dau bradasson que suei, i a lo Proviseur, M. Gaillot, ancian prof de liçèu generau, que sab aver lo recul per rire de las provocacions que fau e que vendrà un amic. L'infermièra, sa femna, es Lemosina, de Bellac, me crozèt prumièrament lo jorn que me trenchei lo pè sus 'na ustra. Quina eideia tamben d'aver un liçèu a 200m de 'na plaja dins 'na vila que s'i pòt banhar dau mès de març truscant'a novembre !
Sarlac
Hostellerie de la Verperie **
L'annada se 'chaba e me daissan far mas pròvas en estagi, a Sarlac. Ieu 'riebe dins l'establiment d'un partron
chiraquian que parla un pauc tròp de politica, e coma ieu ai 'na lenga ben penchuda quò
lhi pren pas tres jorns per saber que (se ieu era elegaire) vòtaria pas pel Chirac.
E coma jà de quèu temps ere pus gaire mandinau, e totjorn lent, e que l'òme espera davant tot
quauqu'un que sab trabalhar a un ritme que lhi fai un emplejat a pas char, suei fotut defòra
au chap dau prumièr mès.
Normalament quò vòu dire se far tirar dau liçèu,
lo quite M. Gaillot me prepausa 'na segonda chança. Qu'es a quèu moment que me maine que ne'n faguei pro e que que se tamben ne'n faguèt pro per me cubrir. Ieu dise de non e vau veire enlà.
Lo site dau licèu, podretz 'nar veire que los aubres an possat !
Poitiers
Ieu 'riebe a Poitiers, totjorn dins l'eideia dau torisme intelligent, per que las gents que visitan mon brave país ne'n vesian lo mai interessent melhor que los "clichés". Université de Poitiers, UFR Lettres & Langues 1995-2001
M'incrive prumièr en LEA Englès-Espanhòl, per far lo reviraire ; tròp tard,
vese que i a de la comptabilitat e de la gestion au programa !
La setmana d'aprèp suei inscrit en LCE Englès e tòrne au domèni literari.
Entau comença 'na lonja seria de dintrada en retard.
Au moment que me fau chausir 'na opcion, me maine que se pòt prenèr l'Occitan.
Lo Peire Bec foguèt professor au Centre d'Estudis de l'atge Mejan, èu faguèt dintrar l'Occitan
coma lenga viva ensenhada a Poitiers, quitament se s'i parla pus dempuei Guilhèm IX.
Vau poder ganhar daus punts coma la mia lenga "pairala". A mesura que l'annada avança, me dise que la vau ensenhar,
que i a mestièr de quò !
Lo moviment estudient de novembre-decembre 1995 ven perturbar un pauc lo programa, fau mai lo sindicaliste que l'estudient.
Passe l'espròva de prumièra annada en junh, amb succès allara que me fau tornar passar tot l'Englès. En setembre, tòrne passar l'Englès e l'espròva d'Occitan de segonda annada : ai l'Englès de pauc e... 'na mencion en Occitan.
A comptar de 'quí tornarai venir aux cors d'Occitan per entretenèr la practica de la lenga
e per balhar un eisemple de parlaire naturau aus autres estudients. La prof venguèt lèu 'na amiga.
Sos cors son articulats a l'entorn de conferènças publicas fachas per l'IEO de Poitiers (que n'i a un !),
foguèt per ieu l'eschasença d'encontrar lo bèu Peire Bec.
La se bojèt tamben fòrça per far venir daus escrivans Occitans a "Ecrivains Présents"
'na manifestacion organisada per l'UFR, s'agis de far venir d'escrivan vius per de lecturas de lors òbras
davant los etudients. Quora l'òbra era pas en françès, eram n'autres, estudients que legissiam las reviradas.
Ieu suei estat en tribuna au costat dau Robèrt La Font.
I crozei tamben lo Bernart Manciet e lo Florian Vernet, la Marcè
la Delpastre, paureta, moriguèt davant d'èsser convidada !
Los 5 ans que demoran, batalhe per passar ma Licença en tot militar, que sabe pas far la part de las chausas.
Tras que suei 'ribat, mes suei interessat de far lo militant sindical, un pauc tròp benlèu, regerte pas ren. En febrièr 1997 suei elegit au Conselh de mon UFR, i demòre truscant'au moment que pertisse de Poitiers.
Ere vengut conegut de tots (e de totas !) dins ma fac.
Poitiers
Lo síte de l'Universitat
Tolosa
Per ieu, venir a Tolosa era un pauc coma 'nar a la capitala. Me fasiá bèucop d'eideias, en començar per me dire que tot lo monde
avia l'accent ...IUFM Midi-Pyrénées 2001-2002
M'inscrive en CAPES d'Occitan. Passe mai de temps dins los bars que descubre qu'a aparar lo concors. Au chap d'un an me plante.
M'aura faugut quò per entendre que suei pas fach per l'Education Nationale.
Aprèp un estiu de barrutlatges aus quatres cantons d'Occitània emb de la Chorma qu'encontrei,
me fau trobar dau trabelh per contunhar de vuire sus plaça e tornar pas chas los parents
que tots los biais me van pas entrenèr ma vita tota.
N'eschasença se presenta :La federacion despartamentala de las escòlas Calandreta 2002-2005
Per dos ans ajei la possibilitat de trabelhar en Occitan, per de las gents que lor importava.
Ne suei content d'enguerras uei.
Suei embauchat a la "federacion 31" en emplec-jòune, lo profil de pòste es polivalent :
Segurar 'na ligason administrativa, far circular aus parents associatius
d'informacions diversas, furnidas per los uns, trasmesas aus autres.
Existissia já un rasèu telefonic, me trapei daus referents per far 'na chadena per m@il.
Segurar 'na presença sus l'escòla de Castanet que mancava d'ajudas mairalas. Quò durèt pas mas
tornei far l'animaire quauques còps ponctuaus, en ajuda
Suei estat menat de representar l'estructura Calandreta que m'emplejava a d'un collòqui que ne faguei transcripcion aprèp,
tamben au congrès de 2005.
Faguei mai las compaginacions daus documents que n'an mestièr.
Los rapports d'activitats son essenciaus per aver de qué far viure las escòlas.
Pitit a pitit en se prenhèr de la cultura d'organisacion en tot ben conneissèr los imatges usitats costumierament
farjei 'na vertadiera identitat visuala per Calandreta. :
logos regularament presents ( e parrièrs !),
declinason dau logos en colors d'identifiar las escolas,
visuau de promo per los 25 ans,
Quitament per se presentar en coerença amb lo sèu project ligat a l'embanhament dins l'Occitan.
Qu'es de dire aver daus documents que la version en Oc es de tant bon creire que la en Francès.
Uei lo nom en Occitan de la "fédé 31" es "País de Garona" a la sega de 'na prepausicion mèuna d'aver cura
de se balhar un nom que sia pas la revirada dau nom administratiu francès ("País de Garona" ven pas de ieu).
Desenvelopei tamben un síte internet (que demòra d'enguerras de mandar a l'auberjaire).
Quò es dins quèu casdre que me formei un pauc mai seriosament a la compaginacion, tras lo GRETA.
Chaisson
Lemosin
M'inscrive en Mise A Niveau per passar lo BTS Hotellerie Restauration.
S'agis de tornar trapar, au pas de correguda, lo programa pro (Cueisina, Serviçi en sala, Gestion) que los Bac Technologique fan en tres ans, en tot gardar lo nivèu en Englès, Maths eca... Los profs de cueisina e serviçi son los que vesèm lo mai suvent e que lor eivis compta lo mai en conselh de classa. Me jutgèren inadaptat, suei lent, quò vòu pas dire que sabe pas trabalhar ! 
Pense qu'aura quilhs aubrissons, que daissavan veire la teulada de mon temps, son venguts pron grands 
